एसीसी प्रिमियर कपमा ओमानविरुद्ध नेपाललाई पहिलो सफलता हात परेको छ ।
नेपाललाई ओमानविरुद्ध महत्वपूर्ण विकेट ललित राजवंशीले दिलाएका हुन् ।
नेपालले दिएको ३११ रनको लक्ष्य पछ्याउने क्रममा ओमानले पाँचौं ओभरमा पहिलो विकेट गुमाएको हो ।
नेपालका बलर ललित राजवंशीले आमानका ओपनर जतिन्दर सिंहलाई खेलको पाँचौं ओभरको तेस्रोे बलमा आउट गरेका हुन् ।
जतिन्दरले १२ बलमा दुई चौकाको मद्दतले १५ रन बनाएका थिए ।
उनी र अर्का ओपनर कश्यप प्रजापतिले ३२ रनको साझेदारी गरेका थिए ।
यसअघि टस हारेर पहिला ब्याटिङको निम्तो पाएको नेपालले निर्धारित ओभरमा ८ विकेट गुमाउँदै ३१० रनको बनाएको थियो ।
नेपाललका लागि युवा ब्याट्सम्यान कुशल मल्लले ६४ बलमा ९ चौका र १० छक्काको मद्दतले १०८ रनको सतकीय पारी खेलेका थिए ।
त्यस्तै सोमपालले ४८ बलमा ९ चौका प्रहार गर्दै अविजित ६३ रनको योगदान गर्दा करण केसी २९ रनमा अविजित रहेका थिए ।
