भाद्र ५,विराटनगर । विराटनगरमा अस्पतालबाट बेपत्ता भएका नवजात शिशुको उद्धार भएको छ ।
विराटनगरको ग्रीनक्रस अस्पतालबाट हराएका शिशुलाई प्रहरीले मोरङको कटहरी गाउँपालिका(२ बाट उद्धार गरेको हो ।
प्रहरीका अनुसार अस्पतालका चिकित्सक डा तपेश्वरलाल कर्णले नवजात शिशु बेचेको अनुसन्धानबाट पुष्टि भएको छ ।
प्रहरीले चिकित्सक कर्ण र अर्का एक युवकलाई पक्राउ गरेको हो । चिकित्सक कर्णले ५० हजार रुपैयाँमा शिशु बेचेको प्रहरीको दावी छ ।
चिकित्सकले निसन्तान दम्पतीलाई बच्चा बेचेको अनुसन्धानबाट खुलेको प्रहरीले जनाएको छ ।
अस्पतालबाटै नवजात शिशु हराएपछि प्रहरीले खोजी कार्य व्यापक बनाएको थियो भने शिशुका आफन्तले विरोध गर्दै आएका थिए ।
