मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपालले नामिबियालाई दियो १६९ रनको झिनो लक्ष्य



आइसीसी एक दिवसीय विश्वकप लिग टू क्रिकेटको एक दिवसीय क्रिकेटमा नेपालले नामिबियालाई १६९ रनको लक्ष्य दिएको छ ।

नेपालले ३७.१ ओभरमा सवै विकेट गुमाएर १६८ रनमात्रै बनाउन सक्यो ।

त्रिवि क्रिकेट मैदान कीर्तिपुरमा पाहुना टोली नामिबियाले टस जितेर पहिला फिल्डिङ रोजेको थियो ।

जुन निर्णय सही सावित भएको छ । त्रिवि क्रिकेट मैदानमा टस जित्ने टोलीले पहिला फिल्डङ गर्दा विपक्षी टिमलाई कम स्कोरमा रोक्ने गरेका छन् । टस हारेर पहिला ब्याटि गरेको नेपाललाई नियमित ओपनर कुशल भुर्तेल र आशिफ शेखले राम्रो सुरुआत दिलाएका थिए ।

नामिवियाविरुद्ध एक खेलाडी परिवर्तन गरेको नेपालको प्रदर्शन भने सन्तोष जनक रहेन । नेपालको ६।२ ओभरमा पहिलो विकेटको रुपमा कुशल भुर्तेल एलबीडब्ल्यू आउट भएपछि विकेट पतन सुरु भएको थियो । नेपालले पहिलो विकेट ३८ रन हुँदा गुमाएको थियो । कुशल भुर्तेल १६ बलमा १८ रन बनाएर आउट भएका थिए । त्यसपछि क्रिजमा आएका अनिल साहले २ बल फेस गरे पनि खाता खोल्न असफल रहे ।

अनिल पछि क्रिजमा आएका देव खनालले ५ बल फेस गर्दा खाता खोल्न असफल हुँदा नेपालले तेस्रो विकेट खेर फाल्यो । नेपालले आठौं ओभरमा ४३ रन हुँदा तेस्रो विकेट गुमाएको थियो । त्यसपछि आशिफ शेख र कुशल मल्ल मिलेर पारि सम्हालेका थिए । आशिफ करियरको १२ औं अर्धशतक बनाएर आउट भए । आशिफले ६४ बलमा आठ चौका र एक छक्काको मद्दतले ५८ रनको पारि खेले । उनी आउट हुँदा नेपालले १०० रन बनाएको थियो । पाँचौं विकेटको रुपमा कप्तान रोहित पौडेल नामेवियाविरुद्ध खाता खोल्न असफल भए ।

उनले ९ बल फेस गरेका थिए । छैटौं विकेटको रुपमा भने कुशल मल्ल आउट भए । कुशलले ५२ बलमा ३६ रन बनाउँदा तीन छक्का र एक चौका प्रहार गरे । सातौं विकेटको रुपमा नेपालले दीपेन्द्रसिंह ऐरीलाई गुमाएको हो । दीपेन्द्र १८ बलमा ६ रन बनाएर स्टम्प आउट भएका थिए ।

आठौं विकेटको रुपमा सोमपाल कामी क्याच आउट भए । उनले ४ रनमात्रै बनाए । नवौं विकेटको रुपमा नेपालले सेट भएका भीम सार्कीलाई गुमायो । भीमले ३६ बलमा २६ रन बनाएर बोल्ड आउट भएका थिए । अन्तिम विकेटको रुपमा करण केसी १२ रनमा क्याच आउट भए ।

नामिबियाका ब्रेनार्ड स्कोल्ट्ज र जान निकोल इटोनले चार चार विकेट हात पारे । यस्तै, ज्याक ब्रासेल, गेरार्ड इरास्मसले एक एक विकेट लिएका छन् ।

प्रकाशित मिति : ९ फाल्गुन २०८०, बुधबार  १२ : ०६ बजे