मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

पर्यटन विकासका लागि निजी क्षेत्रसँग सहकार्य जरुरी : सभापति देउवा



काठमाडौं । कांग्रेसका सभापति शेरबहादुर देउवाले सरकार र निजी क्षेत्रबीच सहकार्यविना पर्यटन क्षेत्रको विकास सम्भव नहुने बताएका छन् । नारायणी नदी किनारमा शुक्रबार आयोजित ‘भरतपुर भ्रमण वर्ष २०२४’ को उद्घाटन समारोहलाई सम्बोधन गर्दै उनले संविधानले पनि अर्थतन्त्रको विकासलाई तीनखम्बे नीति लिएको भन्दै पर्यटनको विकासको लागि सरकार र निजी क्षेत्रबीच सहकार्य आवश्यक रहेको बताए ।

उनले भने,‘अहिले हाम्रो गठबन्धनको सरकार छ र यसले निरन्तरता पाउने छ । पर्यटन विकासको लागि निजी क्षेत्रको महत्वपूर्ण भूमिका छ । निजी क्षेत्रसँगको सहकार्यविना पर्यटनको विकास हुन सक्दैन । संविधानले पनि हाम्रो अर्थतन्त्रको विकासलाई तीनखम्बे नीति लिएको छ ।’

भरतपुर भ्रमण वर्षले राष्ट्रिय तथा अन्तर्राष्ट्रियस्तरमा प्रचारप्रसारसँगै पर्यटक वृद्धि गरी मुलुकको आर्थिक विकासमा सहयोग पु¥याउने विश्वास उनले व्यक्त गरे । सभापति देउवाले भरतपुर देशकै प्रमुख पर्यटकीय गन्तव्य भएको भन्दै महानगरपालिकामा पर्यटकीय विकासका लागि पर्याप्त पूर्वाधार रहेको बताए ।

प्रकाशित मिति : १८ फाल्गुन २०८०, शुक्रबार  ७ : ११ बजे