काठमाडौँ । महिला एसिया कपमा नेपालले विजयी सुरुवात गरेको छ।
शुक्रबार भएको उद्घाटन खेलमा नेपालले यूएईलाई ६ विकेटले पराजित गरेको हो।
युएईले दिएको ११६ रनको लक्ष्य पछाएको नेपालले १६।१ ओभरमा ४ विकेट गुमाएर पूरा गरेको हो।
नेपालकी सम्झना खड्काले अविजित ७२ रन बनाइन् भने रुबिना क्षेत्रीले १० रन बनाइन्।
यसअघि टस हारेर पहिला ब्याटिङ गरेको युएईले २० ओभरमा ८ विकेट गुमाएर ११५ रन बनाएको थियो।
युएईका लागि खुशी शर्माले सर्वाधिक ३६ रन बनाउँदा कभिषा इगोडागेले २२, समिरा धर्निनधर्काले १३ रन बनाएइन्।
त्यसैगरी नेपाली बलर कप्तान इन्दु बर्माले सर्वाधिक ३ विकेट लिइन्। सबनम राई, कबिता जोशी र कृतिका मरासिनीले एक(एक विकेट लिए।
आइतबार नेपालले अर्को खेल पाकिस्तानविरुद्ध खेल्दैछ।
युएईले आइतबार नै भारतको सामना गर्दैछ
