काठमाडौं, २३ साउन । नुवाकोटको शिवपुरी गाउँपालिका–७ मा हेलिकोप्टर दुर्घटना भएको छ ।
शिवपुरी गाउँपालिका-७ सूर्यचौर क्षेत्रमा हेलिकप्टर दुर्घटनामा परेको हो ।
सुरक्षाकर्मीको ठूलो टोली सो स्थानमा पुगेर उद्धारको काम भइरहेको छ । दुर्घटनामा ४ जनाको शव फेला परेको प्रहरीले जनाएको छ
हेलिकप्टर क्याप्टेन अरुण मल्लले उडाएको नागरिक उड्डयन प्राधिकरणले जनाएको छ ।
हेलिकप्टरमा क्याप्टेन अरुण मल्ल बाहेक अन्य चार जना चिनियाँ पर्यटक सवार रहेको खुलेको छ ।
त्रिभुवन विमानस्थल स्रोतका अनुसार हेलिकप्टर १ बजेर ५४ मिनेटमा काठमाडौंबाट उडेको थियो ।
