काठमाडौं । काठमाडौं उपत्यकाको विशेष पर्व इन्द्रजात्राको तयारी भइरहेको छ । वसन्तपुर क्षेत्र र वरपर जात्राको तयारीका लागि गर्नुपर्ने कार्यहरू अहिले धमाधम भइरहेको छ ।
रथ तयार गर्ने, सरसफाइ गर्ने जस्ता कामहरू अहिले भइरहेका छन् । इन्द्रध्वजको पूजा गरी शक्ति प्राप्त गरेर प्रदर्शन गर्ने पर्वका रूपमा पनि इन्द्रजात्रालाई लिइन्छ। काठमाडौं, ललितपुर, भक्तपुर, धुलिखेल, दोलखालगायत ठाउँहरूमा धुमधामसाथ इन्द्रजात्रा मनाउने चलन छ।
