२८ भदौ, काठमाडौं । क्रिकेटर रोहितकुमार पौडेल वर्षका उत्कृष्ट खेलाडी घोषित भएका छन् ।
नेपाल खेलकुद पत्रकार मञ्च (एनएसजेएफ)ले प्रदान गर्ने पल्सर स्पोर्ट्स अवार्ड–२०८० मा रोहित वर्षको उत्कृष्ट पुरुष खेलाडी चुनिएका हुन् ।
रोहित क्यनडामा रहेकाले उनका आमा र दाजुले शुक्रबार कमलादीस्थित प्रज्ञा प्रतिष्ठानको हलमा आयोजित अवार्ड समारोहमा रोहितको अवार्ड लिएका थिए ।
नेपाली खेलकुद पत्रकारहरुको संगठन नेपाल खेलकुद पत्रकार मञ्चले हरेक वर्ष अवार्ड आयोजना गर्दै आएको छ ।
