काठमाडौं, १ असार । राष्ट्रिय स्वतन्त्र पार्टीका सभापति एवम् पूर्व गृहमन्त्री रवि लामिछानेविरुद्ध पर्सा जिल्ला अदालतमा मुद्दा दर्ता भएको छ ।
पर्साको सानो पाइला बचत तथा ऋण सहकारी संस्थाको रकम अपचलनमा लामिछानेसहित २९ जनाविरुद्ध मुद्दा दायर भएको हो ।
लामिछानेविरुद्ध ११ करोड ५६ लाख ९४ हजार रुपैयाँ बिगो मागदाबी गरिएको छ ।
एक महिनाअघि नै प्रहरीले यस प्रकरणमा अनुसन्धान सकेर सरकारी वकिलको कार्यालय पर्सामा आफ्नो प्रतिवेदन बुझाएको थियो । लामिछाने यतिवेला रुपन्देही कारागारमा छन् ।
