काठमाडौं । आइसीसी टी २० विश्वकप क्रिकेटमा नेपालले पहिला बलिङ गर्ने भएको छ ।
मुम्बईको वानखडे स्टेडियममा सुरु हुन लागेको खेलमा दुई पटकको च्याम्पियन टोली इंग्ल्याण्डले टस तिजेको हो ।
टस जितेर इंग्ल्याण्डले पहिला ब्याटिङ रोजे पछि नेपालले बलिङ गर्नु परेको हो ।
नेपाली टोलीको यो तेस्रो विश्वकप सहभागिता हो । पहिलो पटक सन् २०१४ मा विश्वकप खेलेको नेपालले दोस्रो पटक २०२४ मा खेलेको थियो ।
नेपाली टिमबाट युवा खेलाडी शेर मल्लले डेब्यु पाएका छन् ।
नेपाली टिम यस प्रकार रहेको छ ।
कुशल भुर्तेल, आशिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्सन झा, करण केसी, नन्दन यादव, सन्दीप लामिछाने र शेर मल्ल ।
नेपालको खेल हेर्नका लागि मुम्बईमा नेपाली समर्थकहरुको बाक्लो उपस्थिति रहेको छ ।
