काठमाडौं। पार्टी संसदीय दलको नेता चयन पेचिलो बनिरहेका बेला नेपाली कांग्रेसले केन्द्रीय कार्यसम्पादन समिति बैठक बोलाएको छ।
पार्टी केन्द्रीय कार्यालयका कार्यवाहक मुख्यसचिव कृष्णप्रसाद दुलालले केन्द्रीय कार्यसम्पादन समितिको बैठक पार्टी केन्द्रीय कार्यालय सानेपामा आज बिहान ११ बजे बस्न लागेको जानकारी दिए।
बैठकमा सहभागी हुन समितिका पदाधिकारी एवं सदस्यलाई अनुरोध गरिएको छ। बैठकमा पार्टी सभापति गगनकुमार थापाले संसदीय दलको नेताका लागि सहमतिको प्रस्ताव पेस गर्ने र सहमतिको आधारमा नेताको नाम टुंगो लगाउने नेताहरूले जानकारी दिएका छन्।
कार्यसम्पादन समितिको बैठकलगत्तै आज नै दिउँसो १ बजे संसदीय दलको बैठक पनि बोलाइएको छ। संसदीय दलको नेता चयनको लागि बनाइएको निर्वाचन समितिका संयोजक प्रकाश रसाइलीले संसदीय दलको बैठकबाट दलको नेता चयनसम्बन्धी विषयलाई पारित गर्ने कार्यसूची रहेको जानकारी दिए।
