काठमाडौं, असोज १६ । प्रतिपक्ष दल नेकपा एमालेका संसदीय दलका नेता रामबहादुर थापाले वर्तमान सरकारको ६ महिने कार्यशैलीप्रति असन्तुष्टि व्यक्त गरेका छन् ।
प्रतिनिधि सभाको शुक्रवार बसेको बैठकमा उनले सरकारको पछिल्लो गतिविधिलाई ‘फासीवादी शासन’ को संज्ञा दिँदै सत्तापक्षले संसदलाई केवल प्रतिछायाको रूपमा प्रयोग गरेको आरोप लगाएका हून् ।
उनले सत्तापक्षले संसद्लाई प्रभावकारी रूपमा उपयोग गर्नुको सट्टा आफ्नो निर्णय कार्यान्वयन गर्ने माध्यमका रूपमा प्रयोग गरेको दाबी गरे।
गत निर्वाचनमा आफ्नो दलले व्यहोरेको पराजयलाई लोकतान्त्रिक प्रक्रियाका रूपमा स्वीकार गरेको उल्लेख गर्दै थापाले त्यसलाई आत्मसमर्पणका रूपमा नबुझ्न आग्रह गरे। उनले पराजयलाई आगामी राजनीतिक यात्रामा विजयको अवसरका रूपमा लिएको बताए।
