काठमाडौँ । कुलमान घिसिङलाई नेपाल विद्युत् प्राधिकरणको कार्यकारी निर्देशक पदबाट हटाएको विरोधमा बुधबार पनि प्रदर्शन जारी रहेको छ।
युवाहरू रत्नपार्क प्राधिकरणको कार्यालय अगाडि पुगेर प्रदर्शन गरेका हुन्।
प्रदर्शनका क्रममा केही बेर प्रहरी र प्रदर्शनकारीबिच घम्साघम्सी नै परेको थियो।
नेपाल सरकारको सोमबार बसेको मन्त्रिपरिषद् बैठकले घिसिङलाई पदमुक्त गर्ने निर्णय गरेको थियो।
उनको स्थानमा नियुक्त गरिएका हितेन्द्रदेव शाक्यले मंगलबार पदभार ग्रहण गरिसकेका छन्।
