काठमाडौं । मिराज ढुंगाना समूहको जेनजीहरुलाई प्रधानमन्त्रीनिवास नजिकै प्रदर्शन गर्ने क्रममा सुरक्षा प्रहरीले लखेटेको छ ।
बुधबार प्रधानमन्त्रीनिवास नजिकै प्रदर्शन गरिरहेका उनीहरूलाई प्रहरीले सडकबाट केही परसम्म हटाएको हो ।
मंगलबार पनि प्रधानमन्त्री सुशीला कार्कीसमक्ष माग पत्र बुझाउन सिंहदरबार प्रवेश गर्न खोजपछि उनीहरुलाई प्रहरीले त्यहाँबाट हटाएको थियो ।
प्रहरीले लखेटेपछि ढुंगाना समूहले प्रधानमन्त्री निवास बालुवाटार क्षेत्रमा प्रदर्शन गरेको छ ।
वर्तमान सरकार ुजेनजीुको भावनाविपरीत अघि बढ्न खोजेको भन्दै प्रधानमन्त्रीले राजीनामा दिनुपर्ने मागका साथ सो समूहले बुधबार प्रधानमन्त्री निवासबाहिर प्रदर्शन गरेको हो । उनीहरूले प्रधानमन्त्री राजीनामा देउ, जेनजीका माग पूरा गर, दोषीलाई कारबाही गर लगायतका प्लेकार्डसहित नाराबाजी गरेका थिए ।
