काठमाडौँ, असोज ३१
पृथ्वी राजमार्ग अन्तरगत चितवनको कुरिनटारमा रोकिराखेको भ्यान र सडक छेउमा फोटो खिच्दै गरेकालाई ट्यांकरले ठक्कर दिदा सातजना घाइते भएका छन्। दुर्घटनामा परी सातजना घाइते भएको मुग्लिन प्रहरीले जनाएको छ।
मुग्लिन प्रहरीका अनुसार गलत साइटबाट आइरहेको मोटरसाइकल र स्कुटीलाई जोगाउने खोज्ने क्रममा ट्यांकर दुर्घटनामा परेको हो। दुर्घटनामा परेका घाइतेमध्ये तीनजनाको अवस्था गम्भीर छ। उपचारका लागि सबैलाई आसपासका अस्पतालमा लगिएको छ।
