बारा कात्तिक, १५–
बारमा ३४ किलो लागूऔषध गाँजासहित एक भारतीय नागरिक पक्राउ परेका छन् । बारा प्रहरीले भारतको बिहारस्थित पूर्वी चम्पारण मोतिहारीका २३ वर्षीय शशिकान्त मिश्रलाई उक्त परिमाणको लागुऔषधसहित पक्राउ गरेको हो ।
उनलाई बारास्थित सूवर्ण गाउँपालिका–३, लंगडा टोलमा ईलाका प्रहरी कार्यालय, कवहीगोठबाट खटिएको टोलीले पक्राउ गरेको प्रहरीको भनाइ छ ।
पक्राउ परेका मिश्रले सेतो कारको सिटमुनी फल्स बटम बनाएर लागूऔषध ल्याएका थिए । उनकोबारे थप अनुसन्धान भैरहेको छ ।
