१७ मंसिर,बुटवल ।
सडक मर्मत हुने भएपछि सिद्धार्थ राजमार्गअन्तर्गतको तानसेन–बुटवल सडकखण्ड ३ दिन बन्द हुने भएको छ ।
आजदेखि मंसिर १९ गतेसम्म बिहान १० बजेदेखि अपराह्न ४ बजेसम्म आवागमन प्रभावित हुने भएको हो ।
सडक खण्डको भुतखोलादेखि बुटवलको चिडियाखोलासम्मको सडकमा रहेका ढंगा फुटाएर हटाउनुपर्ने भएकाले मंसिर १७ देखि १९ गतेसम्म बिहान १० देखि अपराह्न ४ बजेसम्म बाटो बन्द रहने सडक डिभिजन कार्यालय पाल्पाले जनाएको छ ।
अत्यावश्यकीय एम्बुलेन्सलगायतका सवारी साधन भने निर्वाध चल्न पाउने सडक डिभिजन कार्यालयले जनाएको छ ।
सडक डिभिजन कार्यालयले आवागमनमा असुविधा हुने भएकाले वैकल्पिक उपाय सोच्न सबैमा आग्रह गरेको छ ।
यो सडकखण्डको अवस्था दयनीय भए पनि लामो समयदेखि स्तरोन्नति हुन सकेको छैन । सडकको दूरावस्थाकै कारण १५—२० जना यात्रुहरुको सवारी दुर्घटनामा परी बर्सेनि ज्यान जाने गरेको छ ।
