काठमाडौं मंसिर, २०–
ज्योति समूहका उपाध्यक्ष रुप ज्योतिविरुद्ध पक्राउ पक्राउ पूर्जी जारी भएको छ । काठमाडौं जिल्ला अदालतले नेपालको पुरानो व्यवसायिक घरानाका व्यवसायी ज्योतिलार्इ पक्राउ गर्न पूर्जी जारी गरेको हो ।
उनले पूर्वराजा ज्ञानेन्द्र शाहको प्रत्यक्ष शासनकालमा अर्थमन्त्रीको जिम्मेवारी समेत सम्हालेका थिए । प्रहरीले ज्योतीमाथि एउटा व्यक्तिबाट जग्गाको मूल्य लिएर अर्कैलाई बेचेको ठगी मुद्दामा अनुसन्धान अगाडि बढाएको थियो ।
काठमाडौंको बाँसवारी क्षेत्रमा हाउजिङ निर्माण गर्ने भनेर ल्याण्डमार्क डेभलपर्स प्रा.लि.मार्फत सर्वसाधारण व्यक्तिबाट पैसा लिएर जग्गा फिर्ता नगरेपछि रुप ज्योतिविरुद्ध प्रहरीममा उजुरी परेको थियो ।
काठमाडौं महानगरपालिका–२६ गल्कोपाखा बिज्ञेन्द्रकृष्ण मल्लले बाँसवारीस्थित हाउजिङमा घर खरिदका लागि आफूले ल्याण्डमार्क डेभलपर्स प्रा।लि।लाई २ करोड ७० लाख रुपैयाँ बुझाए पनि घर र जग्गा नपाएको भन्दै प्रहरीमा उजुरी दिएका थिए ।
प्रहरीले मल्लको उजुरीमाथि छानबिन गर्ने क्रममा उनलाई दिने भनिएको जग्गा रुप ज्योतिकै सक्रियतामा अर्कै कम्पनीलाई बिक्री गरेको पाइएको छ ।
रुप ज्योतिले क्वालिटी डेभलपर्स प्रा.लि. नामको कम्पनी खडा गरेर मल्ललाई बिक्री गरेको जग्गा हडप्ने योजना बनाएको स्रोतको भनाइ छ ।
काठमाडौं प्रहरीका अधिकारीले भने, ‘अहिलेसम्मको अवस्था हेर्दा रुप ज्योतिले विभिन्न कम्पनी खडा गरेर जग्गा हडप्ने योजना बनाएको देखिन्छ, रुप ज्योतिविरुद्धको उजुरीमाथि छानबिन भैरहेको छ ।’
