पोखरा मंसिर, २४–
पोखराको फेवातालमा डुंगाबाट खसेर एक युवा बेपत्ता भएका छन्। सोमबार बिहान फेवातालमा बोटिङ गरिरहेका काठमाडौंका रोजन श्रेष्ठ डुंगाबाट खसेर बेपत्ता भएका हुन् ।
प्रहरीका अनुसार काठमाडौंबाट दिदी सँग पोखरा घुम्न आएका श्रेष्ठको खोजी भैरहेको छ ।
दिदी भाइ फरक फरक डुंगामा रहेका बेला भाइ चढेको डुंगा पल्टिएको थियो। अहिले श्रेष्ठको खोजीका लागि नेपाली सेना , प्रहरी, सशस्त्र प्रहरीलगायत परिचालन गरिएको छ ।