काठमाडौं पुस, २४–
सञ्चार उपकरणमा खराबी आएपछि त्रिभुवन अन्तर्राष्ट्रिय विमानस्थलको उडान प्रभावित भएको छ । भीसीसीएस बिग्रिएकाले त्यसलाई परिवर्तन गर्ने काम भइरहेको विमानस्थलका महाप्रवन्धक राजकुमार क्षेत्रीले जानकारी गराए ।
एरिया एप्रोचको पावर सप्लाईमा समस्या आएका कारण भीसीसीएस गएको उनको भनाइ छ ।
भीसीसीएस बिग्रिएको कारण एक घण्टा अगाडिदेखि उडान प्रभावित भएको उनले बताए । ‘अराइभलमा डिस्टर्ब छैन, डिपार्चरमा अलि–अलि डिस्टर्ब छ,’ उनले भने ।
काठमाडौं उपत्यका भित्रको सञ्चारका लागि विमानस्थल टावरले काम गर्छ भने बाहिरको क्षेत्रका लागि भीसीसीएस उपकरण चाहिने उनले बताए ।
