काठमाडौं पुस, २५–
नेपाली कांग्रेसका सांसदहरूले प्रधानमन्त्री केपी शर्मा ओलीसँग प्रश्न सोध्न नपाए संसद अवरुद्ध गर्ने भएका छन् ।
बुधबार मध्याह्न १ बजे बोलाइएको प्रतिनिधिसभा बैठकमा प्रधानमन्त्रीसँग प्रश्न गर्न पाउनु पर्ने कांग्रेस सांसदहरुले बताएका छन् ।
कार्यव्यवस्था परामर्श समितिको बैठकले प्रधानमन्त्रीसँग प्रश्न सोध्ने र उहाँले जवाफ दिने कार्यसूची तय गरेन भने बैठक अवरुद्ध गर्ने कांग्रेस सांसदहरुको तयारी छ ।
कार्यव्यवस्थाको बैठक मध्यान्ह १२ बजेलाई बोलाइएको छ ।
आइतबार संसदमा सार्वजनिक वक्तव्य दिएका प्रधानमन्त्री ओलीलाई प्रश्न गर्न नपाएपछि कांग्रेस सांसदहरूले बैठकमा नाराबाजी गरेका थिए ।
