मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

वाइडबडीमा जोडिएको आफ्नो नाम तत्काल सच्याउन जितेन्द्र देवको माग



काठमाडौं पुस, ३०–
पूर्वपर्यटनमन्त्री जितेन्द्रनारायण देवले वाइडबडी खरिद गर्न पहिलो किस्ता भुक्तानी गर्न सटही सुविधा प्रदान गर्न आफ्नो संलग्नता देखाइएको र नैतिक जिम्मेवारी लिनुपर्ने सार्वजनिक लेखा समितिको निर्णयप्रति विज्ञप्ति जारी गरेका छन् । नयाँ पत्रिका दैनिकले समाचार छापेको छ ।

तत्कालीन पर्यटनमन्त्री आफूलाई देखाउँदै नैतिक जिम्मेवारी लिनुपर्ने भनिएकोतर्फ नेता देवले २९ जेठ ०७४ मा पर्यटनमन्त्री नरहेको स्पष्ट पारेका छन् । सार्वजनिक लेखा उपसमितिले सो मितिमा आफूलाई मन्त्री रहेको र नैतिक जिम्मेवारी लिनुपर्ने किटान गरेकाले तत्काल सच्याउन उनले माग गरेका छन् ।

‘सार्वजनिक रूपमा आत्मालोचना गरी सो अंश अविलम्ब प्रतिवेदनबाट हटाउन माग गर्छु । अन्यथा, म कानुनी बाटो समाउन बाध्य हुनेछु,’ सांसद देवले जारी गरेको विज्ञप्तिमा उल्लेख छ ।

संस्कृति, पर्यटन तथा नागरिक उड्डयन मन्त्रालयले २५ वैशाख ०७४ देखि १ चैतसम्म जितेन्द्रनारायण देव पर्यटनमन्त्री रहेको भन्दै सार्वजनिक लेखा समितिमा विवरण पठाएको र सोही आधारमा लेखा उपसमितिले प्रतिवेदन तयार गरेको थियो । तर, २३ जेठ ०७४ देखि नै आफू पदमा नरहेको देवले बताए ।

प्रकाशित मिति : ३० पुस २०७५, सोमबार  २ : ०१ बजे