माघ् ३, काठमाडौ-
स्थानियहरुको अबरोधका बाब्जुत काठमाडौंको चोभारस्थित सुख्खा बन्दरगाह शिलान्यास गर्न खोजिए पछी स्थानीय र प्रहरीबीच झडप भएको छ ।
शिलान्यासका लागि प्रधानमन्त्री केपी ओली चोभार पुगेका बेला स्थानिय र प्रहरी बिच झडप भएको हो ।
लामो समयदेखि अन्योलमा परेको काठमाडौंको चोभारस्थित सुख्खा बन्दरगाह शिलान्यास गर्न प्रधानमन्त्री केपी ओली चोभार पुगेका थिय ।
प्रधानमन्त्री ओली कार्यक्रमस्थल पुग्नुअघि केहीसमय स्थानीयहरुले आफ्ना माग पूरा नभएको भन्दै शिलान्यास अवरोध गर्ने प्रयास गरेपछि प्रहरीले विरोधमा उत्रिएका स्थानीयलाई पक्राउ गरेको छ ।
संघर्ष समिताका संयोजक पञ्चलाल महर्जनका अनुसार स्थानीय ज्ञानेन्द्र महर्जन, दीपक महर्जन, मिलन खड्कालागयत एक दर्जन पक्राउ परेका छन् ।
उद्योग, वाणिज्य तथा आपूर्ति मन्त्रालयले स्थानीयवासीले उठाएका मागलाई अध्ययन गरी पूरा गर्ने प्रतिवद्धता जनाएकाले विरोध गर्न आवश्यक नरहेको जनाएको छ ।
बिहीबार बिरोध प्रदर्शनकै बिच कीर्तिपुर नगरपालिकाको चोभारस्थित साबिकको हिमाल सिमेन्ट कारखाना परिसरमा प्रधानमन्त्री ओलीले उपत्यकाकै ठूलो बन्दरगाहको उद्घाटन गरेका हुन् ।