बुटवल,माघ ८-
नेपाली कांग्रेसका वरिष्ठ नेता रामचन्द्र पौडेलले सरकार लोकतन्त्रको खोल ओडेर अधिनायकवादको बाटोमा हिँडेको बताएका छन ।बुटबलमा प्रजातान्त्रिक विचार समाजले गरेको कार्यक्रममा नेता पौडेलले यस्तो बताएका हुन ।
विकास, सुशासन र शान्ति सुरक्षा कायम गर्न सरकार फेल भएको बताउदै नेता पौडेलले यती कमजोर शान्ती सुरक्षा र अराजकता हुँदा पनि सरकार कानमा तेल हालेर बसेको आरोप लगाए ।
अर्को फरक प्रसङ्गमा नेता पौडेलले प्रमुख प्रतिपक्षी दलको नेताविनै संवैधानिक परिषदको बैठक बोलाएर आफ्ना मान्छेमात्र नियुक्त गरिएको आरोप लगाउदैयो लोकतन्त्रमाथि प्रहार हो, यसलाई गम्भीर रुपमा लिनुपर्छ भनेका छन ।
