सुर्खेत माघ, १३–
नेपाल तरुण दल केन्द्रीय समितिले प्रदेश ६ को राजधानी सुर्खेतमा आज सरकारविरुद्ध वृहद प्रदर्शन गरेको छ । तरुण दलको प्रदर्शन हरेक दिन झन् झन् बन्दै गैरहेको सहभागीहरुको भनाइ छ ।तरुण दल सुर्खेत जिल्लाको समायोजनमा भएको प्रदर्शनमा प्रदेश ६ का ९ जिल्लाका तरुण दल्का नेता कार्यकर्ता र पार्टीका नेता कार्यकर्ताहरुको ठुलो सहभागीता रहेको थियो ।
तरुण दलले प्रदेश १को विराटनगरबाट सुरु गरेको विरोध प्रदर्शन छैटौ दिन सुर्खेतमा आइपुगेको हो । तरुण दलले ‘‘कम्युनिष्ट सरकारको चमत्कार, महँगी बलात्कार र भ्रष्टाचार’ भन्ने नारासहित सातै प्रदेशका मुख्य सहरमा विरोध प्रदर्शन गर्दै आएको छ ।
सुर्खेतको विरोध सभालाई सम्बोधन गर्दै तरुण दल अध्यक्ष जितजङ्ग बस्नेतले वर्तमान सरकारले शक्तिको नशामा नेपाली कांग्रेसको नेतुत्वमा हासिल गरेको राजनीतिक उपलब्धि, देश र जनताले उपभोग गर्न पाउने नैसर्गिक अधिकार खोस्न लागेकोले त्यसको विरुद्ध नेपाली जनता एक हुने समय आएको बताए ।
त्यस्तै, उपाध्यक्ष उत्तम चापागाईंले देशमा २०औ पटक मूल्य वृद्धि हुँदा किन अखिलका भाइ बहिनीहरु चुप छन ? भनि प्रश्न गरे ।विरोध सभालाई सम्बोधन गर्दै दलका महासचिव भुपेन्द्रजंग शाहीले सरकार विकासको भ्रमको सपनाहरू बाँडेर भ्रष्टचारमा डुबेको आरोप लगाए ।
सभालाई दलका कोषाध्यक्ष विद्वान गुरुङ लगायतका नेताहरुले सम्बोधन गरेका थिए ।