काठमाडौं माघ, १४–
प्रमुख प्रतिपक्ष दल नेपाली कांग्रेसले राष्ट्रिय सभाको बैठक अबरोध गर्ने तयारी गरेको छ । चिकित्सा शिक्षा विधेयकलाई लिएर कांग्रेसले आज आजको राष्ट्रिय सभा बैठक अबरोध गर्ने तयारी गरेको हो ।
सदन र सडकमा विरोध प्रदर्शन भइरहेका बेला सरकारले सोमबार बस्ने राष्ट्रियसभाको बैठकमा उक्त विधेयक पेश गर्ने तयारी गरेको छ ।
राष्ट्रियसभाको बैठक बिहान ११ बजे बस्दैछ । कांग्रेसका संसदीय दलका नेता सुरेन्द्र पाण्डेले कांग्रेसको मागअनुसार गिरिजाप्रसाद कोइराला र सुशील कोइरालाको नाममा खुलेका अस्पताललाई यथावत राख्नुपर्ने बताए ।
विधेयकलाई सम्भावित कार्यसूचीको एक नम्बरमा राखिएको छ । प्रतिनिधिसभाबाट प्राप्त सन्देशसहित ‘राष्ट्रिय चिकित्सा शिक्षा विधेयक, २०७५’ टेबुल गरिने सम्भावित कार्यसूची तय गरिएको छ ।
प्रतिनिधिसभाको बैठकमा अवरोध गरिरहेको नेपाली कांग्रेसले राष्ट्रियसभाको बैठकमा पनि विरोध जनाउने तयारी गरेको छ । उक्त विधेयकमा आफूसँग गरिएको सम्झौता तोडमोड गरिएको भन्दै डा।गोविन्द केसी अनशनमा छन् ।
