विराटनगर माघ, १७–
शैलजा आचार्य स्मृति पोलिटेक्निक कलेजले आफ्नो १७ औं बार्षिक उत्सव भव्य रुपमा मनाएको छ । बुधबार कलेजका अध्यक्ष मीता आचार्यको सभापतित्वमा सम्पन्न उक्त समारोहको प्रमुख अतिथि वरिष्ठ समाजसेवी शान्ता घिमिरे रहेकी थिईन । कार्यक्रममा बोल्दै प्रमुख अतिथि घिमिरेले विद्यार्थी, कर्मचारी तथा उपस्थित सबैलाई निकै उत्प्रेरणामूलक बिचार व्यक्त गरेकी थिईन् । त्यस्तै, कलेजकी अध्यक्ष मीता आचार्यले शहीदहरु तथा संस्थाकाबारेमा प्रकाश पारेकी थिईन् ।
कलेजका प्रिन्सिपल सन्तबहादुर अधिकारीका अनुसार उक्त कार्यक्रममा स्थानिय, विद्यार्थीका अभिवावक, कलेजका विद्यार्थी तथा स्थानिय वुद्धिजिवीको उपस्थिति रहेको थियो । कार्यक्रममा सि.टी.ई भि.टी प्रदेश १ कार्यालयका प्रमुख डा. शिव प्रसाद दाहाल तथा तोरेन्द्रमान सिंह प्रधान बिशिष्ट अतिथिको रुपमा सहभागी रहेको प्रिन्सिपल अधिकारीले बताए । कार्यक्रम संयोजक जबहर लाल मण्डलले कलेजको वर्तमान अवस्था र भावी योजनाबारे प्रकाश पारेका थिए । त्यस्तै, प्रिन्सिपल अधिकारीले कलेजको विभिद बिषयमा प्रकाश पारेका थिए । सहायक प्रिन्सिपल सुनिता राउतको स्वागत मन्तव्यबाट सुरु भएको कार्यक्रममा नर्सिङ कोर्डिनेर अजिता मोक्तानले समेत मन्तव्य राखेकी थिईन् । उक्त अवसरमा बिशिष्ट अतिथि तोरेन्द्रमान सिंह प्रधानले विद्यार्थीहरुलाई पुरस्कार वितरण गरेका थिए ।
कार्यक्रममा विभिन्न व्यक्तिहरुले गरिव तथा विपन्न व्यक्तिहरुलाई छात्रवृत्ति प्रदान गर्ने घोषणा गरेको प्रिन्सिपल अधिकारीले बताए । उनका अनुसार उक्त अवसरमा ४५ उत्कृष्ट विद्यार्थीलाई पुरस्कृत गरिएको थियो ।
करिब १७ बर्ष पहिले वि.स. २०५८ सालमा स्थापना भएको यो कलेज पिताजी कृष्णप्रसाद कोइराला ट्रष्ट तथा प्राविधिक शिक्षा तथा व्यावसायिक तालिम परिषद्को साझेदारीमा यो कलेज संचालन हुँदै आएको छ । पिताजी कृष्णप्रसाद कोइराला पूर्व प्रधानमन्त्रीहरु जननायक विशेश्वर प्रसाद कोइराला, मातृका प्रसाद कोइराला तथा गिररिजा प्रसाद कोइरालाका पिता हुन् । स्थानिय वासिन्दाले कृष्णप्रसाद कोइरालालाई समाजसेवी तथा आफुहरुका समेत अभिवावकका रुपमा लिने गर्छन । पिताजी कृष्णप्रसाद कोइराला ट्रष्टको समेत साझेदारीमा आफ्नो गाँउठाँउमा संचालित कलेजबाट सथानिय निकै हर्षित छन् । उनीहरुले आउने दिनमा कलेजले अझैं प्रगति गर्दै जानेमा समेत विश्वास व्यक्त गरे ।
