काठमाडौं माघ, २०–
निरन्तर संसद अवरोध गर्दै आएको प्रमुख विपक्षी नेपाली कांग्रेसले आजबाट संसदमा अवरोध नगर्ने भएको छ । आइतबार बस्ने संसदको बैठकमा प्रमुख प्रतिपक्षी दलका नेता सम्बोधन गर्ने तय भएको छ । दिउँसो ३ बजे बस्ने बैठकमा देउवाले सम्बोधन गरे लगत्तै संसद सुचारु हुनेछ ।
गिरिजाप्रसाद र सुशील कोइरालाको नाममा स्थापना भएको अस्पताल केन्द्र सरकार मातहतमा राख्नुपर्ने माग सम्बोधन भएपछि कांग्रेसले डा. गोविन्द केसीको जीवन रक्षालाई मुद्दा बनाएको थियो । डा. केसीले एकतर्फी रुपमा अनसन तोडेपछि कांग्रेसले संसदमा अवरोध नगर्ने भएको हो । मुख्य सचेतक बालकृष्ण खाँडले संसदीय दलको नेता देउवाले सम्बोधन गरेपछि संसद सुरु हुने जानकारी दिए ।
