काठमाडौं फागुन, ६–
नेपाली कांग्रेसका अमरेश कुमार सिंहले गीतमार्फत जनताको बोली बोलेको भन्दै गायक पशुपति शर्मालाई २५ हजार रुपैयाँ पुरस्कार दिने घोषणा गरेका छन् ।
सोमबार बसेको प्रतिनिधि सभाको बैठकको शून्य समयमा बोल्दै सांसद सिंहले फागुन महिनाको तलबबाट गायक शर्मालाई २५ हजार दिने घोषणा गरेका हुन् ।
सांसद सिंहले सरकारलाई व्यंग्य गर्दै भने, ‘दुईतिहाइको सरकारको अगाडि त्यस्तो गीत लाउन पाइन्छ ? गाउनेको मुखका ताल्चा र सुन्नेको कानमा मर्करी राख्नु पर्छ ।’
सरकारले गायक शर्माको गीतमा प्रतिबन्ध लगाउन खोजेको आरोप लगाउँदै सांसद सिंहले गायकको गीतलाई प्रतिबन्ध लगाउने सरकारलाई जनताले पनि सम्मान गर्न नसक्ने दावी गरे ।