काठमाडौं फागुन, १७–
नेपाली कांग्रेसका सभापति शेरबहादुर देउवाले निर्मला पन्तका परिवारलाई भेटेका छन् । पूर्वप्रधानमन्त्री समेत रहेका देउवाले शुक्रबार कञ्चनपुरको भीमदत्त नगरपालिका–२ उल्टाखामस्थित घरमै पुगेर देउवाले निर्मलाकी आमालाई भेटेका हुन् । सभापति देउवाले निर्मलाकी आमा दुर्गासँगको भेटमा न्याय दिलाउन पहल गर्ने प्रतिबद्धता गरेका छन् । निर्मलालाई न्याय दिलाउने आफ्नो पनि दायित्व भएको देउवाको भनाइ थियो । सभापति देउवाले निर्मलाका आमासँग भने, ‘निर्मलालाई न्याय दिलाउनु हामी सबैको दायित्व हो । न्याय नपाउँन्जेलसम्म तपाईकै साथमा हुने छु ।’
कांग्रेस सभापति देउवाले निर्मलाको परिवारलाई न्याय दिलाउनु आफ्नो पार्टी निरन्तर खबरदारी गर्ने प्रतिबद्धता जनाएका छन् ।
साउन १० गते साथीको घरमा कापी लिन गएकी १३ वर्षीया निर्मला बेपत्ता भएकी थिइन् । उनको साउन ११ गते घरनजिकैको उखुबारीमा शव भेटिएको थियो । शव परिक्षणमा बलात्कारपछि हत्या गरिएको खुलेको थियो ।
