काठमाडौं फागुन, १७–
पाकिस्तानले भारतीय वायु सेनाका पाइलट अभिनन्दन वर्तमान भारतलाई बुझाएको छ । शुक्रबार दिउसो पाकिस्तानको स्लामावादस्थित भारतीय राजदूतावासलाई बुझाएको हो ।
पाकिस्तान नियन्त्रित अजाद कस्मिर क्षेत्रमा बम खलास्न गएको भारतीय वायु सेनाको लडाकु जहाजलाई पाकिस्तानी सेनाले बुधबार खसालेको थियो । पाकिस्तानी क्षेत्रमा खसेको लडाकु जहाजका पाइलट अभिनन्दन वर्तमानलाई नियन्त्रणमा लिएको थियो ।
दुई दिन नियन्त्रणमा रहेका अभिनन्दनलाई आज भारतलाई बुझाएको हो । पाकिस्तानको संसदलाई सम्बोधन गर्दै प्रधानमन्त्री इमरान खानले अभिनन्दनलाई रिहा गर्ने बताएका थिए ।
आज दिउसो भारतीय अधिकारीलाई बुझाएका अभनिन्दनलाई भारतको पञ्जाबस्थित बागा बोर्डरबाट भारत ल्याइन लागेको छ । उनी अपराह्न ३ बजे बागा बर्डर पार गरेर भारत प्रवेश गर्ने जनाएको छ ।
भारतीय अधिकारीहरु अभिनन्दनलाई स्वागत गर्न बागा बर्डर पुगेका छन् । सयौं सर्वसाधारण पनि बागा बर्डरमा भेला भएका छन् ।
