काठमाडौं फागुन, २२–
आज टीकापुर घटनासम्बन्धी मुद्दाको फैसलाको तयारी गरिएको छ । बुधबार फैसलाको तयारी गरिएको कैलाली जिल्ला अदालत स्रोतले जनाएको छ ।
मंगलबार दुवै पक्षबाट ६ दिनसम्म चलेको बहस सकिएकाले बुधबार फैसला हुने सम्भावना छ ।
उक्त घटनामा संलग्न रहेको अभियोगमा सांसद रेशमलाल चौधरीसहित २६ जना पुर्पक्षका लागि हाल कारागारमा छन् । यो फैसलाले उनीहरुको जेल चलान वा सफाइ भन्ने निर्धारण गर्ने छ ।
२०७२ भदौ ७ गते कैलालीको टीकापुरमा थारु आन्दोलनका क्रममा प्रहरीका एसपीसहित ९ जनाको ज्यान गएको थियो ।
