रुपन्देही फागुन, २८–
राष्ट्रिय प्रजातन्त्र पार्टीका अध्यक्ष कमल थापाले सीके राउतले विखण्डनको नारा लगाउदा पनि कारबाही गर्न नसक्नु सरकारको लाचारी भएको बताएका छन् । सोमबार बुटवलमा आयोजित पत्रकार सम्मेलनमा बोल्दै उनले सीके राउतलाई तत्काल कारबाही गर्न सरकारसँग माग गरेका हुन् ।
उनले सीके राउतसँग भएको ११ बुदे सम्झौता विरोधाभाषपूर्ण, रहस्यमयी र अमूर्त रहेको दाबी समेत गरे । सीके राउत सामाजिक सञ्जालमा प्रचार गर्ने विषय र जनकपुरको प्रदर्शनले सम्झौता रहस्यमयी भएको पुष्टि भएको उनको भनाइ छ ।
अध्यक्ष थापाले वाइडबडी प्रकरणमा सत्तापक्ष र प्रतिपक्षी दुबैको संलग्नता रहेको प्रष्ट पारे । उनले वाइडबडी जहाज प्रकरणमा कांग्रेसको मौनता ले नै उसको संलग्नता पुष्टि भएको जिकिर गरे ।
