काठमाडौं फागुन, २९–
पूर्वराजा ज्ञानेन्द्र शाहले मध्य तराईको भ्रमण थाल्ने भएका छन् । मध्य तराईका विभिन्न धार्मिकस्थलमा पूजा अर्चनाका लागि पूर्वराजा शाह बुधबार जनकपुरधाम जाने भएका हुन् ।
उनी साँझ ६ बजेभित्र जनकपुरधाम पुग्ने कार्यक्रम तय गरिएको पूर्वराजा निकट स्रोतले जनाएका छन् ।
उनी जनकपुरधामस्थित होटेल सीताशरणमा रात्री विश्राम गर्ने कार्यक्रम तय गरिएको छ ।
उनले बिहिबार बिहानै सर्लाहीको मलंगवामा रहेको दुर्गा मन्दिरमा पूजा अर्चना गने कार्यक्रम रहेको छ।
चैत १ गते ज्ञानेन्द्र शाहले जानकी मन्दिरमा पूजापाठ गर्नेछन् भने चैत २ गते उदयपुरको गाईघाटमा राधाकृष्ण मन्दिरमा पूजापाठ गर्ने कार्यक्रम रहेको छ।
चैत ३ गते सप्तरीको सखडा भगवतीको दर्शन गरी झापा पुग्ने कार्यक्रम रहेको छ।
