काठमाडौं फागुन, ३०–
नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले विप्लव समूहले पहिलो नम्बरमा मार्नुपर्छ भनेर आफ्नो नाम माइन्यूट गरेको बताएका छन् । अध्यक्ष प्रचण्डले विप्लव समूहले प्रचण्डलाई एक नम्बरमा मार्नुपर्छ भनेर माइन्यूट गरेको सूचना सरकाबरबाट पाएको जानकारी गराए । उनले भने, ‘मलाई आज विहान पनि सरकारको तर्फबाट जानकारी गराइयो, प्रचण्डलाई एक नम्बरमा मार्नुपर्छ भनेर उहाँहरुले माइन्यूट गर्नु भएको छ रे । टिम पनि खटाउनु भएको छ रे सुनाउनुभयो ।’
बिहिबार सरकारले नेकपा विप्लव समूहमाथि प्रतिबन्ध लगाएपछि पहिलो पटक विप्लवबारे बोलेका प्रचण्डले प्रतिबन्धबारे भने केही बोलेनन् । उनले विप्लव समूहका नेता देख्दा दया लाग्ने गरेको पनि बताए ।
अध्यक्ष प्रचण्डले भने, ‘मलाई मारेर यो परिर्वतन बच्ने हो त ? मलाई ती साथीहरुप्रति साँच्चै माया पनि लागेको छ, दया पनि लागेको छ ।’
