काठमाडौं चैत, ३–
पत्नी सीता दाहालको उपचारका लागि नेपाल कम्युनिस्ट पार्टीका अध्यक्ष तथा पूर्वप्रधानमन्त्री पुष्पकमल दाहाल प्रचण्ड आज अमेरिका जाँदैछन् । प्रचण्डको सचिवालयले जनाए अनुसार उनी आइतबार साँझ अमेरिका प्रस्थान गर्ने कार्यक्रम छ । चिकित्सकले सीता दाहाललाई पार्किन्सन भएको बताएका छन् । जसको उपचारका लागि उनलाई यसअघि भारत र सिंगापुरका अस्पताल लगिएको थियो । त्यहाँ उपचार गर्दा पनि निको नभएपछि अमेरिका लान लागिएको हो । गत असोजमा सीताको उपचार सिंगापुरमा भएको थियो । उनी सुगर र उच्च रक्तचापबाट पनि पीडित छन् ।
प्रचण्डका साथमा छोरीज्वाइँ गंगा दाहाल र जीवन आचार्य पनि अमेरिका जाने जनाईएको छ ।
