काठमाडौं चैत, ३–
सत्तारुढ नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ पत्नी सीता दाहालको उपचारका लागि अमेरिका प्रस्थान गरेका छन् । आइतबार साँझ ५ बजे कान्छी छोरी गंगा दाहाल आचार्य र ज्वाइँ जीवन आचार्यका साथ प्रचण्ड दम्पत्ति अमेरिका प्रस्थान गरेका हुन् ।
प्रचण्डकी पत्नी सीता दाहाललाई पार्किन्सन भन्ने रोग लागेको छ । यसअघि पनि सीता दाहालको बैंकक, सिंगापुर, भारत लगायतका विभिन्न देशमा धेरै पटक उपचार भैसकेको छ ।
प्रचण्डले धेरै उपचार गर्दा पनि उनको रोग निको हुन नसकेपछि उपचारका लागि अमेरिका जान लागेको बताए । सीता दाहाललाई सुगर र उच्च रक्तचाप पनि रहेको छ । गत साल छोरा प्रकाशको निधनसँगै सीता दाहाल कमजोर भएकी छिन् ।
