काठमाडौं चैत, ५–
पूर्वडीआईजी पार्वती थापा संघीय समाजवादी फोरममा प्रवेश गरेकी गरेकी छिन् । संघीय समाजवादी फोरमकी उपाध्यक्ष रेणु यादवले थापा आफ्नो पार्टीमा प्रवेश गरेको पुष्टि समेत गरेकी हुन् ।
प्रहरी सेवाबाट बिदा लिएपछि थापा गुमनामजस्तै भएकी थपा सामाजिक गतिविधि तथा दलहरुमा कतै पनि संलग्न देखिएकी थिईनन् । यद्यपि, रिटायर्ड जीवनको केही वर्षपछि उनले फोरम प्रवेश गरेर सक्रिय राजनीति थालनि गर्न लागेको सन्देश दिएकी छिन् । पार्टी प्रवेश गरेकी थापालाई कुन जिम्मेवारी दिइएको छ भन्नेबारे भने फोरमले केही बताएको छैन ।
नायब प्रहरी महानिरीक्षकबाट अवकाश पाएकी थापा नेपाल प्रहरीको इतिहासमा महानिरीक्षकको योग्यता पु¥याउने पहिलो महिला हुन् । तर, उनीभन्दा ११ महिनाले जुनियर उपेन्द्रकान्त अर्याल उनलाई पछि पार्दै महानिरीक्षक बन्न सफल भएका थिए । थापा अर्यालका कारण इतिहास रच्ने अवसरबाट बञ्चित बन्न पुगेकी थिइन् ।
उनी दलहरूले अन्याय गरेको भन्दै न्यायालयको ढोका ढक्ढकाउन समेत पुगेकी थिइन् । राजनीतिकै कारण इतिहास रच्न असफल थापा राजनीतिक दलकै छहारी लिने निर्णयमा पुग्नुलाई अर्थपूर्ण रुपमा हेरिएको छ । यसअघि पनि प्रहरी सेवामा रहेर रिटायर्ड जीवनपछि दल प्रवेश गर्ने शिलशिला चलेकै थियो । पूर्वप्रहरी महानिरीक्षकलगायतका पद सम्हालेकादेखि महत्त्वपूर्ण जिम्मेवारी लिएका व्यक्तिहरू विभिन्न दल प्रवेश गरेका धेरै उदाहरण पनि छन् ।
यसअघि मात्रै डीआईजी नवराज सिलवाल नेकपा प्रवेश गरेका थिए । उनी तत्कालीन एमालेबाट ललितपुर–१ मा उम्मेदवारी दिएर सांसदमा निर्वाचित पनि भएका छन् ।
विभिन्न पेशा–व्यवसायमा आवद्ध व्यक्तिहरु राजनीतिमा प्रवेश गर्ने क्रम चलिरहेका बेला थापा पनि औपचारिक रुपमै संघीय समाजवादी फोरम प्रवेश गरेकी हुन् ।
