काठमाण्डौं –
नेपाली कांग्रेसका केन्द्रीय सदस्य शेखर कोईरालाले टुडिखेल माथी समेत आखा लगाउने सरकार हुनु नेपाल र नेपालिकै लागी दुखको कुरा भएको बताएका छन । बालुवाटार बेच्ने टुडिखेल भाडामा लगाउने समाचार आउनु दुखद भएको भन्दै नेता कोइरालाले आफ्नो फेसबुकमा आपत्ती जनाएका छन ।
सार्वजनिक सम्पत्ती माथीको लुट कहिले सम्म ? भन्ने प्रश्न गर्दै नेता कोइरालाले यसमा सम्लग्न जोसुकै भए पनि कार्बाही गर्न सरकार सग माग गरेका छन ।
नेता कोइरालाले यो भन्दा ठुलो बेईमानी केही हुन नसक्ने उल्लेख गर्दै बालुवाटार र टुडिखेलको जग्गा प्रकरणमा जतिसुकै शक्तिशाली र ठुला नेता संलग्न भएपनी कानुन बमोजिम तत्काल कारबाही गर्न शेखरले सरकारसँग माग गरेका छन्।
डा. कोईरालाको फेसबूकबाट जस्ताको तस्तै-
भुमाफिया,ब्यापारी,राजनितिज्ञ र सरकारको मिलेमतोमा वालुवाटारको जग्गा ब्यक्तीको नाममा गरेको र टुडिखेलको जग्गा ब्यक्तीले भाडामा लगाएको समाचार आयो।मुलुकका लागी यो भन्दा दुर्भाग्य के हुन्छ? सार्वजनिक सम्पत्ती माथीको लुट कहिले सम्म? यसले जनमानसमा के सन्देश जान्छ? मुलुकका लागी यो भन्दा ठुलो ब्यईमानी के हुन सक्छ?हामी केका लागी र कस्का लागी राजनिती गर्दैछौं?यो बिषयमा हामी किन बोल्न सकिरहेका छैनौं? घर जलाएर खरानीको ब्यापारमा कति दिन रमाउँने? वालुवाटार र टुडिखेलको जग्गा प्रकरणमा जतिसुकै शक्तिशाली र ठुला नेता संलग्न भएपनी कानुन बमोजिम तत्काल कारबाही गरिनुपर्छ।
