बैशाख १५,काठ्माण्डौ-
कांग्रेस सभापति शेरबहादुर देउवाले नेपाली कांग्रेस सधै प्रेस र अभिव्यक्ति स्वतन्त्रको पक्षमा सदैव उभिएको र आगामी दिनमा पनि कांग्रेसले यसका लागी कसै सग सम्झौता नगर्ने बताएका छन ।देउवाले पत्रकारहरुलाई पक्राउ गर्नु निन्दनीय भएको बताएका छन् । उनले पत्रकारलाई पक्राउ गरिरहेको भन्दै सरकारको आलोचना गर्दै नेपाली कांग्रेस रहुन्जेल प्रेस स्वतन्त्रता कसैले हनन गर्न नसक्ने समेत बताए ।
नेपाल पत्रकार महासंघले देउवा निवास बूढानीलकण्ठमा आइतबार बुझाएको ज्ञापनपत्र बुझ्दै सभापति देउवाले समाचार लेखेकै भरमा पत्रकारहरुलाई पक्राउ गर्नै नमिल्ने बताए ।
प्रेस तथा अभिव्यक्ति स्वतन्त्रता लोकतन्त्रको आधार भएकोले कांग्रेस प्रेस स्वतन्त्रताका लागी जेसुकै गर्न तयार रहेको र प्रेस तथा अभिव्यक्ति स्वतन्त्रताको पक्षमा नेपाल पत्रकार महासंघले सुरु गरेको आन्दोलनमा नेपाली कांग्रेसको साथ रहने समेत देउबाले बताए ।
पत्रकार महासंघका अध्यक्ष गोविन्द आचार्य नेतृत्वको टोलीले सभापति देउवलाई ज्ञापनपत्र बुझाएको हो ।
