काठमाडौं वैशाख, १७–
प्रधानमन्त्री केपी शर्मा ओली बालुवाटार जग्गा प्रकरणमा मुछिएका महासचिव विष्णु पौडेलको बचाउमा उत्रिएका छन् । मंगलबार नेकपा संसदीय दलको बैठकलाई सम्बोधन गर्दै ओलीले पौडेलबारे भ्रम फैलाइएको बताएका हुन् । नेकपाका अध्यक्ष समेत रहेका प्रधानमन्त्री ओलीले पौडेलले पदीय दुरुपयोग गरेर जग्गा नजोडेको दाबी गरेका छन् । उनले महासचिव पौडेलले राजाको शासनका बेला जग्गा किनेको बताएका हुन् ।
प्रधानमन्त्री ओलीले पौडेललाई आक्रमण गरेर पार्टी र सरकारलाई कमजोर बनाउन खेल भैरहेको दाबी समेत गरे । पौडेलले किनेको जग्गा सार्वजनिक जग्गाभित्र पर्छ कि पर्दैन ? जालझेलभित्र पर्छ कि पर्दैन ? हडपेको हो कि होइन सबै तथ्यसहित प्रस्तुत हुने प्रधानमन्त्री ओलीले बताए ।
