चैत २३ सर्लाही –
प्रदेश २ को सर्लाही जिल्ला बसबरीया गाउँपालिका मनटोलकी एक एक महिला आफ्नै घरमा मृत भेटिएकी छिन् ।
मृतक महिलाको घाँटीमा निलडाम देखिएको र उनको शव परीक्षणका लागि सर्लाही अस्पताल मलङ्गवा ल्याइएको सर्लाही प्रहरीका प्रवक्ता प्रहरी नायब उपरीक्षक प्रतितसिंह राठौरले जानकारी दिएका छन ।
मृत्यु हुने महिला स्थानीय सुरेन्द्र मुखियाकी २२ वर्षीया श्रीमती सागरदेवी मुखिया भएको प्रहरिले जनाएको छ ।
मृतक सागरदेवी मुखियाले श्रीमानले आफुलाई पटकपटक कुटपिट गरेको भन्दै केही समयअघि प्रहरीमा उजुरीसमेत दिएकी थिइन् ।
घटनापछि मृतक महिलाका श्रीमानसहित घरका अन्य सबै सदस्य फरार रहेको र फरार रहेका सबैको तिब्रताका साथ खोजी भइ रहेको प्रहरिले जनाएको छ ।