जनकपुर जेठ, २–
सीके राउत नेतृत्वको तत्कालिन स्वतन्त्र मधेश गठबन्धनले सरकारसँग सम्झौता गरेपछि असन्तुष्ट रहेको पक्षले डा.मनोज मुक्ति नेतृत्वको जनतान्त्रिक तराई मुक्ति मोर्चासँग एकीकरण गरेको छ ।
गठबन्धनका असन्तुष्ट समूहको नेतृत्व गरेका जासर यादव र मोर्चाका अध्यक्ष डा. मुक्तिले बिहीबार एकीकरण भएको घोषणा गरेका हुन् । उनीहरुले संयुक्त विज्ञप्ति जारी गर्दै अलग मधेशको मुद्दा छाडेर छिट्टै निर्वाचन आयोगमा नयाँ पार्टी दर्ता गर्ने समेत बताएका छन् ।
मधेशलाई सबैले धोका दिँदै आएकाले मधेश मुक्तिका लागि अघि बढ्ने प्रतिबद्धता गरेको उनीहरुले जारी गरेको विज्ञप्तिमा उल्लेख छ ।
आगामि जेठ २० गते निर्वाचन आयोगमा नयाँ पार्टी दर्ता गर्ने उनीहरुको तयारी रहेको छ ।
