नेपाल सरकार गृह मन्त्रालयले भारतबाट स्वदेश फर्किने नेपालीले अनिवार्य १४ दिन ‘सेल्फ क्वारेन्टाइन’मा बस्नुपर्ने नि र्ण य गरेको छ । मन्त्रालयले यसबारे आवश्यक आन्तरिक परिपत्र जिल्ला प्रशासन कार्यालयहरूलाई जारी गरेको बताएको छ ।
गृह मन्त्रालयका सहसचिव तथा प्रवक्ता केदारनाथ शर्माले भने, “भारतबाट फर्किनेको हकमा सीमामा जाँचमा क्रममा प्रहरीले सबै विवरण लिन्छ । उनीहरूको घर, ठेगाना सबै लिइसकेपछि त्यसको जानकारी उनीहरू जुन जिल्लाका हुन्, त्यहाँको प्रहरी र प्रशासनलाई प्रहरीले गर्छ । त्यही आधारमा उनीहरू बसे÷नबसेको अनुगमन हुन्छ ।”
प्रवक्ता शर्माले ‘सेल्फ क्वारेन्टाइन’ मा बस्न राजनीतिक दल, नागरिक समाज, स्थानीय निकायलगायतले पनि दबाब दिनुपर्ने बताए । उनीहरू बसेरनबसेको अनुगमनका लागि प्रहरीलगायतको संयन्त्र अनुगमनमा खटिनसक्ने शर्माको भनाइ छ । भारतबाट स्वदेश फर्किने नेपालीमा कोरोना संक्रमणको जोखिम हुनसक्ने भन्दै गृहले यसबारे सर्तकर्ता अपनाउन परिपत्र जारी गरेको उनले बताए ।
भारतमा कोरोना सङ्क्रमितको सङ्ख्या बढ्न थाले पछी नेपाल भारत सिमा बन्द गर्न र सिमानाकाबाट नेपाल आउनेहरुको ब्यबस्थापन गर्न सरकारमाथी दबाब बढेको छ ।