नेपालमा पछिल्लो २४ घण्टामा थप २७४५ जनामा कोरोना भाइरसको संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको परीक्षणमा उक्त संख्यामा संक्रमित थपिएका हुन् ।
यस्तै पछिल्लो २४ घण्टामा ४१८७ संक्रमित निको भएका छन् । मंगलबार कोरोनाबाट मृत्यु हुनेको संख्या ४१ रहेको छ ।स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ हजार ४४९ जनाको पिसिआर र ५ हजार ८४१ जनाको एन्टिजेन विधिबाट परीक्षण गरिएको थियो ।
नेपालमा हालसम्म पिसिआर परीक्षणबाट ६ लाख १२ हजार २०२ जनामा र एन्टिजेन परीक्षणबाट २२ हजार ४०३ जनामा कोरोना संक्रमण पाइएको छ ।त्यसमध्ये ५ लाख ४० हजार ४३९ संक्रमित निको भएका छन् । यस्तै कोरोनाबाट हालसम्म ८ हजार ५०६ जनाको मृत्यु भएको छ ।
