नुवाकोटको किस्पाङमा सोमबार बस दुर्घटना हुँदा ३० जना घाइते भएका छन् ।काउलेबाट काठमाडौंतर्फ जाँदै गरेको बा४ख ५७६२ नम्बरको बस किस्पाङ गाउँपालिका–५, माने गाउँमा दुर्घटना हुँदा यात्रुहरु घाइते भएका हुन ।
जिल्ला ट्राफिक प्रहरी कार्यालय नुवाकोटका अनुसार घाइते भएकाहरुलाई उपचारका लागि स्थानीय अस्पताल पठाइएको छ । बस नालीमा खसेर भित्तामा ठोक्किएको छ ।
दुर्घटनाको विस्तृत विवरण आउन बाँकी छ ।दुर्घटना लगत्तै घाइतेहरुको उद्धार गरी त्रिशूली अस्पतालमा उपचारका लागि पठाइएको प्रहरीले जनाएको छ ।
