गण्डकी प्रदेशका प्रदेश प्रमुख पृथ्बिमान गुरुङले नेपालीहरुको दोश्रो ठुलो चाड तिहारको अबसरमा शुभकामना ब्यक्त गरेका छन ।
एक शुभकामना सन्देश जारी गर्दै उनले तिहार मनाउने हाम्रो मौलिक सांस्कृतिक परम्पराले प्रकृति¸मानव जीवन र प्राणी जगत्को अन्योन्याश्रित सम्बन्धलाई उजागर गर्नुका साथै दिदीबहिनी तथा दाजुभाइ बीचको आपसी स्नेहलाई गाढा बनाउने उल्लेख गरेका छन । । उनले देउसी भैलो खेल्ने विशुद्ध नेपाली संस्कृतिले बृहत् सामाजिक एकतालाई प्रगाढ बनाउन मद्दत पुर्याउने पनि बताएका छन ।
प्रदेश प्रमुख गुरुङले तिहारका माध्यमबाट प्रकट हुने मानवीय उज्यालोले हामी सबैलाई सत्य र न्यायको मार्गमा अग्रसर रहन प्रेरित गरोस् भन्ने कामना ब्यक्त गरेका छन ।
