२९ कार्तिक २०७९ ,काठमाडौँ । प्रभु क्यापिटल तथा क्रिस्टल डाईग्नोस्टिकबीच प्रभु क्यापिटलका हितग्राहीको लागि विशेष छूट समझौता भएको छ । यही कात्र्तिक २९ गते मंगलबार दुबै पक्षबीच सम्झौतापत्रमा हस्ताक्षर भएको हो ।
सम्झौता अनुसार क्यापिटलका सबै हितग्राहीहरुले ल्याबको सम्पूर्ण सेवा सुविधामा २० प्रतिशत छूट पाउनेछन् भने आउट सोर्सिङ गरेको टेष्ट ल्याबबाट १० प्रतिशत छूट पाउनेछन् ।
यो अफरबाट लाभ लिन हितग्राहीलेआफ्नो प्रभु क्यापिटलको एप डाउन लोड गरी डिम्याट खाता लिंक गरेको देखाउनुपर्नेछ । समझौतामा क्यापिटलले गर्ने सामाजिक उत्तरदायित्वका कार्यहरुमा जस्तै स्वास्थ्य शिविर, रक्तदान शिविर आदि गतिविधिहरूमा समेत ल्याबले सहयोग गर्ने क्यापिटलले जनाएको छ ।
काठमाडौंको सिनामंगलमा अवस्थित क्रिस्टल डाईग्नोस्टिक नेशनल प्बलिक हेल्थ ल्याबोरेटरीबाट मान्यता प्राप्त आधुनिक प्रविधि र विभिन्न सेवाहरू सहितको एक अत्याधुनिक प्याथलोजिकल ल्याब हो ।
नेपाली पूँजी बजारमा भिडियो केवाईसी मार्फत डिम्याट खाता खोल्ने सुविधा ल्याएको पहिलो तथा एकमात्र मर्चेन्ट बैंकर प्रभु क्यापिटल लिमिटेडले समयानुसारकोे प्रविधि अपनाउदै आफ्ना ग्राहकहरुलाई सेवा प्रदान गर्दै आएको छ ।
