दोलखा प्रेदश सभा ‘क’ बाट बागमती प्रदेश सदस्यमा उम्मेदवार बनेका नेपाली कांग्रेसका केन्द्रीय सदस्य कुन्दनराज काफ्ले भारी मत सहित निर्वाचित हुने निश्चित जस्तै भएको छ । यो समाचार तयार पार्दासम्म काफ्ले प्रतिस्पर्धी नेकपा एमालेका उम्मेदवार नरबहादुर श्रेष्ठ भन्दा छ हजार पाँचसय मतान्तरका साथ अगाडि छन् ।
दोलखाबाट काफ्लेको जित सुनिश्चित भएसँगै बागमती प्रदेशमा अव बन्ने प्रदेश सरकारमा काफ्लेको मुख्यमन्त्रीमा बलियो दावेदारी रहने चर्चा सुरु भएको छ । मुख्यमन्त्रीका लागि अहिलेसम्म इन्द्र बानियाँ र बहादुर सिंह लामाको पनि चर्चा छ । तर, दुवैजना केन्द्रमा सभापति समेत रहेका प्रधानमन्त्री शेरबहादुर निकट नेताबीच आपसमा रस्साकस्सी भइरहँदा कांग्रेस भित्रै काफ्ेलेको पनि चर्चा हुन थालेका हुन् ।
कृष्ण सिटौला निकट मानिने काफ्ले महामन्त्री गगन थापासँग पनि निकठस्त मानिन्छ । सिटौला र महामन्त्री थापा दुवै जनाको साथमा काफ्ेले मुख्यमन्त्री बन्ने सम्भावना बढेको देउवा निकटका नेताहरु नै बताउँछन् ।
अहिले चर्चामा आएका नामहरुमध्ये काफ्ले युवा उमेरमा राम्रो राजनीतिक छवि बनाएका नेता भित्र पर्छन् । केन्द्र सरकारमा विश्वप्रकाश शर्मा, प्रदीप पौडेल र गगन थापाहरुले प्रभाव जमाइरहँदा प्रदेशमा काफ्लेको चर्चा चुलिनुलाई अर्थपूर्णरुपमा हेरिएको छ ।
यो समाचार तयार पार्दासम्मको तथ्यांकलाई आधार मान्ने हो भने काफ्ले करिव ७ हजारभन्दा बढी मतान्तरले विजयी हुने निश्चित जस्तै देखिन्छ ।
