१५ मंसिर, काठमाडौं । नक्कली भुटानी शरणार्थी प्रकरणमा थुनामा रहेका भुटानी शरणार्थी नेता टेकनाथ रिजाललाई १५ लाख धरौटीमा छाड्न उच्च अदालत, पाटनले आदेश दिएको छ ।
उनी भुटानी शरणार्थीकै रुपमा शरण लिइरहेको र भागेर अन्यत्र जाने अवस्था नभएको भन्दै रिजाललाई थुनामा राख्नुनपर्ने उच्च अदालतको भनाइ छ ।
जिल्ला अदालत काठमाडौंबाट रिजालसहित १६ जनालाई पुर्पक्षका लागि थुनामा पठाउने आदेश भएको थियो ।उनीहरुले आफूलाई धरौटीमा छाड्नुपर्ने दाबी गर्दै जिल्ला अदालत काठमाडौंको आदेशबिरुद्ध उच्च अदालत पाटनमा रिट दायर गरेका थिए।
